Puntilla pequena

Cefalópodo comestible, moi apreciado e de grande interese comercial. Manto longo e estreito coa parte posterior en forma de frecha formando unha cola que nunca pasa dos 6 centímetros de lonxitude. Nos animais frescos, os tentáculos estendidos e repregados alcanzan a parte posterior do manto e o superan 1 ou 2 veces. A maza tentacular ten 4 ringleiras transversais de ventosas. Trátase dunha especie nerítica e demersal. Vive dende a superficie ata os 350 m de profundidade, aparecendo en fondos areosos, lamacentos e de cascallo. É común no Atlántico, dende Noruega ata Mauritania, e no Mediterráneo.
Datos da especie
- Código FAO: OUM
- Nome científico:Alloteuthis media
- Nome galego: Puntilla pequena
- Nome castelán: Calamarín menor
- Grupo biolóxico: Cefalópodos