Leituga de mar
Ilustrador/a: Elisabet García Aires
De cor verde escura e brillante, de consistencia firme, incluso cartilaxinosa, o que fai que se manteña ben fora da auga. Os exemplares expostos ás ondas son pequenos e rizados, os das zonas protexidas son máis grandes, lobulados ou cintados. Vive sobre rochas ou epífita, no litoral e infralitoral de todo tipo de costas, aínda que é máis abundante nas protexidas. Empregada como abono e en alimentación animal e humana. Empregada como astrinxente, antihelmíntica, contra a gota, tratamento de queimaduras. É bioindicadora da contaminación de orixe orgánica.
Datos da especie
- Código FAO: SWG
- Nome científico:Chlorophyceae
- Nome galego: Leituga de mar
- Nome castelán: Lechuga de mar
- Grupo biolóxico: Algas
Onde atopalos
- Confraría de Pescadores "La Anunciada" de Baiona (Lonxa de Baiona)
- Confraría de Pescadores "San Antonio" de Cambados
- Confraría de Pescadores "San José" de Cangas (Lonxa)
- Confraría de Pescadores Virxen do Carmen de Corcubión
- Confraría de pescadores de Vilanova
- Organización de Productores del Marisco y Cultivos Marinos de la Provincia de Pontevedra (O.P.P.20)
