Detalle producto

FacebookTwitter

Lirio

Lirio
<p>É unha especie de pequeno tamaño, cun corpo longo e estreito. A queixada inferior é prominente e carece de papada. Os ollos do lirio son moi grandes e a cor pode ser azulada, cincenta ou acastañada no lombo, cos costados prateados e o ventre abrancazado. A liña lateral é practicamente recta. Reprodúcese sobre todo no inverno, finalizando aproximadamente no mes de maio. </p> <p>O lirio é un peixe que vive a profundidades considerables, entre 100 e 3000 metros. Os exemplares máis novos atópanse máis próximos á costa, nas augas do noso litoral. Os exemplares grandes, capturados con palangres de fondo, teñen mellor presencia, textura y valor. </p> <p>A súa carne é branda e delicada, polo que se debe coidar moito a manipulación e a frescura. Véndese en fresco, enteiro ou limpo e sen espiñas. Rebóceo en fariña e ovo e bóteo na tixola con aceite de oliva moi quente. E goce del acompañándoo da súa gornición favorita. </p>

Datos da especie

  • WHB
  • Nome científico: Micromesistius poutassou
  • Nome galego: Lirio
  • Nome castelán: Bacaladilla
  • Grupo biolóxico: Peixes
Receitas de Lirio
18 cm

Tamaño mínimo: 18 cm

O tamaño medirase desde a punta da cabeza ata o extremo da aleta caudal

Onde atopalo

Lonxas e centros de primeira venta autorizados