Detalle producto

FacebookTwitter

Choupa

Choupa
<p>A choupa é un peixe que posúe un corpo oval e compacto, dunha tonalidade gris-azul-prateada, con diferencias entre os máis novos e os adultos . Ten uns dentes pequenos pero moi visibles e numerosos. Pódese confundir co sargo, e para diferencialos podemos fixarnos na lixeira chepa que ten a choupa por detrás da cabeza. Outra diferencia co sargo é que carece da mancha negra que este ten onde nace a aleta pectoral. Pode chegar ós 50 centímetros de lonxitude e ós dous quilos de peso. Reprodúcese de febreiro a marzo (o macho segue á femia e prepara un niño coa aleta caudal para que a femia poña os ovos).</p> <p>Vive nos fondos con penas, nos garranchos que hai a media profundidade (15-20 m) e non se achega a terra como o sargo. É bastante abundante nas nosas costas e pódese obter ó palangre ou con redes de enmalle.</p> <p>A choupa entre febreiro e maio posúe o punto adecuado de graxa para poñela á prancha, a lume lento, e unhas pinceladas de aceite de oliva. Tamén, se o tamaño llo permite, pódese asar con tomate, patacas e chícharos nunha cazola de barro, ou facela ó forno con cebola e allo; ou mesmo facerlle uns cortes ó longo do corpo e introducindo neles cachiños de touciño entrefebrado. Tamén se lle pode aplicar calquera das receitas do ollomol ou do sargo.</p>

Datos da especie

  • BRB
  • Nome científico: Spondyliosoma cantharus
  • Nome galego: Choupa
  • Nome castelán: Chopa
  • Grupo biolóxico: Peixes
Receitas de Choupa
23 cm

Tamaño mínimo: 23 cm

O tamaño medirase desde a punta da cabeza ata o extremo da aleta caudal

Onde atopalo

Lonxas e centros de primeira venta autorizados

  • Distribuidor de produtos da pesca e marisqueo

  • Empresas de transformación