Detalle producto
Lumbrigante
<p>Presenta o lumbrigante un corpo robusto de cor azul escura xaspeada que remata en dúas potentes pinzas de desigual tamaño: úsaas como instrumento de suxeición e para atacar e esgazar as presas, a xeito de tesoira. Nas pinzas presenta uns dentes finos e serrados e ten sete aneis no abdome. O seu crecemento é especialmente lento, o que obriga a sermos moi rigorosos cos talles e vedas para previr o seu esgotamento.</p>
<p>Vive en zonas rochosas ou penedosas, en profundidades de menos de 40 metros. Captúrase con nasas especiais e ocasionalmente ao trasmallo, miños e tamén nas raeiras. O período de veda establécese anualmente, normalmente é entre marzo e xullo.</p>
<p>Cocido e servido con mollos á elección, é a forma máis habitual de preparalo. Se quere coñecer o seu sabor en estado puro, próbeo sen aliños que o tapen e sorprenderase. Está moi de moda, traído das Illas Baleares, facer un arroz con el, cun toque de picante. Á prancha dá o tipo como prato principal e completo, sen máis.</p>
Datos da especie
- LBE
- Nome científico: Homarus gammarus
- Nome galego: Lumbrigante
- Nome castelán: Bogavante europeo
- Grupo biolóxico: Crustáceos
O tamaño do lubrigante medirase paralelamente á liña mediana a partir da parte posterior dunha das órbitas ata o borde posterior do cefalotórax (LCT)
Onde atopalo
Lonxas e centros de primeira venta autorizados
- Lonxa de Redondela
- Lonxa de Baiona
- Lonxa de Fisterra
- Lonxa de Cambados
- Lonxa de Cangas
- Lonxa de Bueu
- Lonxa de Rianxo
- Lonxa de Porto do Son
- Lonxa de Corcubión
- Lonxa de Aguiño
- Lonxa de Cedeira
- Lonxa de Lira
- Lonxa de Muros
- Lonxa de Portonovo
- Lonxa de Ferrol
- Lonxa de Vilanova
- Cíes Artesanais S. Coop. Galega
- Lonxa de A Guarda
- Lonxa de Campelo
- Lonxa de Malpica
- Lonxa de Ribeira
- Mar do Morrazo, S.C.G.
