<p>Peixe de corpo longo e afiado que lle permite agocharse entre as pedras. Son características as súas barbas. Poden chegar a alcanzar unha lonxitude de un metro. Reprodúcense na primavera e inicio do verán. </p> <p>Viven en fondos de area ou lama entre os 20 e os 600 metros. Comen peixes de fondo, crustáceos, moluscos, ...</p> <p>A nosa flota captúraas ao arrastre ou con aparello de anzol. Aínda que no mercado é moi frecuente atopala en fresco, e máis común atopala conxelada. Dispoñible todo o ano.</p> <p>Teñen unha carne moi delicada (hai que eviscerala a bordo nada máis pescala). É un peixe moi branco e carnoso do que se pode aproveitar todo. Se o filetea, obterá unhas pezas moi xeitosiñas para fritir ou para facer á grella con algunha outra especie, e poderá aproveita-lo espiñazo para darlle gusto a un caldo de peixe. Próbeas tamén en caldeirada ou en guisos con ameixas.</p> <