Pollack

Pollack

Ten un corpo esvelto de cor parda verdosa e prateada nas costas.

Os exemplares novos (corbelos ou sarretas) teñen cores moi vivas e son dunha gran fermosura no momento da captura. A queixada inferior do abadexo é moi prominente e non ten barbas.

Trátase dun peixe moi común no litoral galego. Péscase con volantas (os grandes) e ao trasmallo (os novos), e na pesca máis tradicional con liñas. Outra arte utilizada para a súa captura é o curricán.

O abadexo é un peixe branco de extraordinaria calidade. Algo que non podemos perder nunca de vista con esta especie é a súa conservación e frescura: deteriórase con moita rapidez e, por iso, temos que extremar os coidados na manipulación.

É un dos reis da caldeirada, co seu punto xusto de cocción, patacas e un rustrido de allo por riba. Pódese preparar tamén rebozado á "romana" ou á grella. Se é grande e quere dedicarlle pouco tempo, métao no forno; se é pequeno, simplemente frítao en toros ou filetes.

Details of species

  • FAO code: POL
  • Scientific name: Pollachius pollachius
  • Galician name: Abadexo
  • Spanish name: Abadejo
  • Biological group: Peixes
30 cm

Minimum size: 30 cm

Measurement Method: O tamaño medirase desde a punta da cabeza ata o extremo da aleta caudal