Vostede está aquí

Receitas

Escabeche de moluscos e verduras de inverno con algas de terra e mar

Para os moluscos, abrimos as latas e escorremos os mexillóns e os berberechos pescadeRías. Reservámolos para o último momento, poñemos nun cazo o escabeche e a lume moi lento reducímolo á metade.

Para as verduras, cortamos en pequenos ramalletes todas as verduras, preparamos un cazo con dous litros de auga mineral, poñémolo ao lume e cando ferva engadimos a alga kombu. Pasados dous minutos, sacar as algas e cocer as verduras durante tres minutos, e montar o prato.

Zamburiñas pescadeRías en crema de chícharos e crocante de xamón

Cocemos os chícharos coas patacas e triturámolos. Engádeselle un pouco de sal. As rebandas de xamón póñense sobre unha prancha ata que queden moi crocantes. Servir en bandexa co puré de chícharos de base e enriba colocamos as zamburiñas pescadeRías pasadas pola tixola.

Decoramos con crocante de xamón.

Atadiños de choco pescadeRías con crema de pataca

Sácanse da lata os chocos pescadeRías e envólvese cada choco pescadeRías en media tira de touciño entrefebrado. Mestúrase a tinta da lata con aceite oliva para obter unha vinagreta. Pásanse pola tixola a lume moi forte e resérvanse.

Nunha fonte póñense os chocos pescadeRías, acompáñanse do puré e decórase coa vinagreta de tinta negra.

Sardiñas pescadeRías con vinagreta de tomate e aceite de oliva negra

Pélase o tomate e retíraselle a polpa, despois pícase en dados moi pequenos, engádeselle o aceite de oliva, un chisco de sal, pementa e unhas gotas de vinagre de xerez. Reservar.

Agora tritúranse as olivas negras con aceite de oliva ata conseguir unha pasta non moi densa.

Póñense nunha bandexa as sardiñas pescadeRías, a un lado a vinagreta de tomate e ao outro o aceite de oliva negra.

Sardiñas pescadeRías con ensalada morna

Nunha cazola de barro poñemos a dourar un par de dentes de allo en aceite de oliva. A continuación abrimos a lata de pementos bicudos, salgámolos e incorporámolos á cazola. Deixamos cocer durante dez minutos a lume lento e reservámolos. Nunha fonte, imos colocando con coidado as sardiñas pescadeRías, os pementos, a leituga e as olivas negras de forma decorativa. Aderezamos a leituga.

Páxinas