Vostede está aquí

Receitas

Ensalada de mouse de atún claro, salsa de aguacate, tomates na súa rama e tempura de algas pescadeRías

Escorrer o atún. Montamos os 2 dl de nata. Remollamos e disolvemos 2 follas de xelatina, mesturamos o atún esmigallado coa nata e a xelatina e deixámolo arrefriar na neveira. Fritimos en aceite quente as follas de leituga de mar pescadeRías, escorrémolas e deixámolas arrefriar. Trituramos o aguacate, o dente de allo, o coandro, sal, pementa, zume de lima. Engadir a auga pouco a pouco ata chegar á textura, coar e reservar.

Ravo: escaldar 5 segundos, refrescar, cortar pola metade e reservar.

Sardiñas pescadeRías, ñoquis de queixo de cabra, salmorexo de remolacha e pistacho

Ñoquis de queixo de cabra
Quentar o queixo de cabra xunto coa nata. Triturar. Hidratar as colas de peixe e engadilas á mestura. Engadir a nata semimontada cando estea a 50 ºC. Colocar en manga e reservar.

Salmorexo de remolacha
Triturar a remolacha na Thermomix co vinagre e o pan. Agregar pouco a pouco o aceite ata emulsionar o salmorexo. Sazonar, coar e reservar.

Zamburiñas pescadeRías en crema de chícharos e crocante de xamón

Cocemos os chícharos coas patacas e triturámolos. Engádeselle un pouco de sal. As rebandas de xamón póñense sobre unha prancha ata que queden moi crocantes. Servir en bandexa co puré de chícharos de base e enriba colocamos as zamburiñas pescadeRías pasadas pola tixola.

Decoramos con crocante de xamón.

Atadiños de choco pescadeRías con crema de pataca

Sácanse da lata os chocos pescadeRías e envólvese cada choco pescadeRías en media tira de touciño entrefebrado. Mestúrase a tinta da lata con aceite oliva para obter unha vinagreta. Pásanse pola tixola a lume moi forte e resérvanse.

Nunha fonte póñense os chocos pescadeRías, acompáñanse do puré e decórase coa vinagreta de tinta negra.

Sardiñas pescadeRías con vinagreta de tomate e aceite de oliva negra

Pélase o tomate e retíraselle a polpa, despois pícase en dados moi pequenos, engádeselle o aceite de oliva, un chisco de sal, pementa e unhas gotas de vinagre de xerez. Reservar.

Agora tritúranse as olivas negras con aceite de oliva ata conseguir unha pasta non moi densa.

Póñense nunha bandexa as sardiñas pescadeRías, a un lado a vinagreta de tomate e ao outro o aceite de oliva negra.

Páxinas