Vostede está aquí

Albóndegas de xarda con salmorexo Imprimir

Albóndegas de xarda con salmorexo
Ingredientes
  • 5 pezas de ración de xarda pescadeRías
  • 1 cebola
  • 2 ovos
  • 6 rebandas de pan
  • 1 vaso de leite
  • 15ml de viño branco
  • Fariña
  • Caldo de peixe
  • Sal
  • Pementa branca
  • Para o salmorexo
  • 500 gr. de tomates maduros
  • 100 gr. de pan duro
  • 100ml de aceite de oliva virxen extra
  • 1 dente de allo
  • sal
  • 25ml de vinagre de viño branco
  • Taquiños de xamón ibérico
  • Elaboración

    Limpamos as xardas pescadeRías de todas as espiñas e pel, desbotando tamén a ventresca. Nunha picadora, metemos os filetes de xarda pescadeRías limpos, a cebola, o ovo, o viño branco e as rebandas de pan previamente remolladas en leite. Picamos ata que quede homoxéneo, pero non demasiado. Retiramos da picadora e coa mestura, facemos as albóndegas axudándonos de fariña.

    Poñemos unha pota ao lume con caldo de peixe, e unha vez que rompa a ferver, engadimos as albóndigas, deixando cocer a lume baixo durante 10 min aprox. (dependerá do tamaño das albóndigas). Retiramos e reservamos en quente.

    Para facer o salmorexo:

    Escaldamos os tomates en abundante auga fervendo (metémolos en auga en cando rompa a ferver de novo, retiramos e enfriamos en auga e xeo). Pelamos os tomates.

    Nun vaso americano, picamos  primeiro o allo, quitando a parte central para evitar que repita, e posteriormente engadimos o pan, remollado previamente en auga. Trituramos ata obter unha pasta. Engadimos os tomates, pelados e picados, e trituramos novamente. Finalmente, engadimos vinagre, sal e aceite, e trituramos todo de novo ata que quede ben homoxéneo. Para rematar, comprobamos sabores e rectificamos de sal, allo ou vinagre ao gusto. Conservamos na neveira.

    Presentación

    Nunha cunca, vertemos o salmorexo e colocamos enriba 3 albóndegas regando cun pouquiño de aceite de oliva virxen extra. Terminamos o prato decorando cuns taquiños de  xamón ibérico. Outra opción para o emplatado é servir o salmorexo na copa e as albóndegas de forma separada no prato.

    Compartir en redes sociais