Detalle producto
Dentón
<p>A súa características máis destacada é a cabeza , grande e con fortes queixadas, con catro dentes cada unha, caninos e curvos. O fouciño é alongado e os ollos pequenos. A cor é agrisada nos máis novos, e gris azulada nos adultos. No lombo e os costados ten unhas manchas azul verdosas que desaparecen cando morre. As aletas pélvicas son alaranxadas.</p>
<p>Habita en fondos rochosos entre os 10 e os 50 metros. É unha especie moi valorada que, cando chega a costa na primavera, captúrase normalmente con miño ou volanta. </p>
<p>Na gastronomía é similar aos seus parentes espáridos: ao forno rodeado duns aros de cebola e aceite, fritido con coidado para que non rompa, á grella compartindo protagonismo con outros, ou tamén ao sal como a dourada.</p>
Datos da especie
- DEC
- Nome científico: Dentex dentex
- Nome galego: Dentón
- Nome castelán: Dentón o dentón europeo
- Grupo biolóxico: Peixes
O tamaño medirase desde a punta da cabeza ata o extremo da aleta caudal
Onde atopalo
Lonxas e centros de primeira venta autorizados