Navalla

Navalla

Teñen unha superficie brillante que semella vernizada. As valvas son alongadas, cunha cuncha arqueada moi característica (en forma de navalla) que as diferencia do longueirón, co que, non obstante, comparten unha coloración similar.

Viven soterradas na area, xeralmente dentro das rías. Son máis escasas ca o longueirón e normalmente veñen mesturadas con este. Captúranse fundamentalmente ao mergullo a pulmón e tamén co sistema tradicional de botarlles sal no burato. Existen uns plans específicos de explotación para esta especie en Galicia.

Simplemente abertas á prancha cunhas pingas de limón abonda para degustar a súa carne saborosa e consistente. Coma outros moluscos, admite mollos suaves, e é moi recomendable un pequeno baño de aceite de oliva, allo e perexil.

Datos da especie

  • Código FAO: EQK
  • Nome científico: Ensis magnus (=arcuatus)
  • Nome galego: Navalla
  • Nome castelán: Navaja
  • Grupo biolóxico: Bivalvos
100 mm

Tamaño mínimo: 100 mm

Forma de medición: O tamaño medirase medindo o eixe maior ou anteroposterior

Onde atopalo