Detalle producto
Boi
<p>Este crustáceo ten o corpo ovalado e liso, máis ancho ca longo, de cor marrón vermella. Ten dúas fortes pinzas no seu primeiro par de patas. Non é moi doado distinguir o galego do francés: o noso é máis peludo nas patas e as pinzas teñen máis dentes ca o boi de Francia.</p>
<p>Habita fondos areosos e rochosos, a maior ou menor fondura dependendo do seu tamaño. O seu crecemento é moi lento, polo que é pouco abundante. Acada a madurez sexual aos 5-6 anos. A súa extracción regúlase a través e plans de explotación anuais, nos que se determinan entre outras cousas, os períodos de veda, normalmente entre xuño e novembro. Captúrase principalmente con miños. Tamén pode ser capturado con outras con artes de enmalle fixas como trasmallos e raeiras ou con nasas.</p>
<p>A delicada mestura de mar e carnosidade fan do boi un prato exquisito simplemente cocido. Das súas patas dianteiras obtemos as talladas máis saborosas e con elas podemos probar a facer un salpicón. Pódese facer un changurro, aínda que é máis frecuente facelo con centola.</p>
Datos da especie
- CRE
- Nome científico: Cancer pagurus
- Nome galego: Boi
- Nome castelán: Buey de mar
- Grupo biolóxico: Crustáceos
Tamaño mínimo: 13 cm
O boi medirase atendendo á máxima largura do cefalotórax medida perpendicularmente á liña mediana anteroposterior do cefalotórax (LARCT)Onde atopalo
Lonxas e centros de primeira venta autorizados
- Lonxa de Redondela
- Lonxa de Baiona
- Lonxa de Fisterra
- Lonxa de Cambados
- Lonxa de Cangas
- Lonxa de Bueu
- Lonxa de Rianxo
- Lonxa de Porto do Son
- Lonxa de Corcubión
- Lonxa de Cedeira
- Lonxa de Lira
- Lonxa de Muros
- Lonxa de Portonovo
- Lonxa de Ferrol
- Cíes Artesanais S. Coop. Galega
- Lonxa de A Guarda
- Lonxa de Campelo
- Lonxa de Malpica
- Lonxa de Ribeira
- Mar do Morrazo, S.C.G.