Ostra

Ostra

A ostra é un molusco bivalvo que ten, na parte exterior da súa dura cuncha, unha superficie escamuda. A súa cor habitual sitúase entre branca, marrón ou púrpura. Como detalle significativo, hai que dicir que ao longo da súa vida posúe sexo masculino e feminino de xeito alterno. Isto denomínase "hermafroditismo non simultáneo".

Aínda que orixinalmente viven fixadas ás rochas, o cultivo en bateas e en sobreelevados nas praias é hoxe a orixe da maior parte da produción de ostras. Isto asegura que as ostras debidamente identificadas son de absoluta garantía. Esixa, logo, as etiquetas de orixe que garantan a súa procedencia e unha boa depuración.

A ostra é un manxar moi apreciado que se degusta case sempre en cru, engadíndolle limón a quen lle guste, ou ben totalmente ao natural. Outra forma máis innovadora consiste en escabechalas (aínda que isto xa se facía na idade media). Para quen se atreva, rebozalas en fariña e fritilas, ou ben en bechamel con mollos varios.

Datos da especie

  • Código FAO: OYF
  • Nome científico: Ostrea edulis
  • Nome galego: Ostra
  • Nome castelán: Ostra
  • Grupo biolóxico: Bivalvos
60 mm

Tamaño mínimo: 60 mm

Forma de medición: O tamaño medirase medindo o eixe dorsoventral para a ostra e a ostra rizada

Onde atopalo