Vostede está aquí

Novas relacionadas con PescadeRías

Publicado o xoves, Maio 3, 2018 - 11:05
32 Edición do Salón de Gourmets

Do 7 ao 10 de maio, celébrase a 32 Edición do Salón de Gourmets en Madrid, unha Feira Internacional de Alimentación e Bebidas de Calidade. A Consellería do Mar estará presente no stand da Xunta de Galicia dando visibilidade aos produtos pesqueiros e marisqueiros galegos e contará co Espazo Degustación onde os produtos certificados serán os protagonistas. Podes consultar o programa de catas aquí.

Publicado o venres, Abril 20, 2018 - 12:41
Sete empresas certificadas e dúas confrarías estiveron en Alimentaria Barcelona

Entre o 16 e o 18 deste mes tivo lugar Alimentaria Barcelona, onde a Consellería do Mar contou cun stand propio para a promoción dos produtos galegos.

Na feira tiveron presencia as empresas certificadas polo selo pescadeRías, ¿de onde se non? PacoLafuente (ConserveraGallega), Conservas La Brújula, Mariscos Daporta, Conservas Porto-Muiños, Yatecomeré, Mariscos Laxe de Rons e as confrarías de Muros e Lira xunto con Pulponor S. Coop. Galega.

Publicado o xoves, Abril 19, 2018 - 12:57
Hoxe remata a campaña marisqueira na Ría de Noia con cifras record

Na Ría de Noia remata hoxe xoves 19 a campaña marisqueira con moi bos resultados tanto en capturas como en facturación, superando con creces cifras de anos anteriores. Tanto o berberecho como o resto dos bivalvos comercializados nas lonxas de Testal e O Freixo, xestionadas pola Confraría de Pescadores de Noia, están certificados polo selo pescadeRías, ¿de onde se non?.

Publicado o xoves, Abril 12, 2018 - 12:21
A lonxa de Cambados aposta polo ameixón

Na lonxa de Cambados comercializáronse no que vai de ano máis de 3.300 quilos de ameixón, Callista chione. Este bivalvo, que pode acadar os 10 cm de lonxitude, non se consume habitualmente en Galicia pero é moi apreciado noutras partes da península. Ata agora comercializábase case exclusivamente na lonxa de Muros pero está comezando a ser extraído na Ría de Arousa.

Páxinas