Vostede está aquí

Novas relacionadas con PescadeRías

Publicado o martes, Marzo 11, 2014 - 13:05
XXVIII  edición do Salón de Gourmets

pescadeRías presentará nesta nova edición de Salón de Gourmets, que se celebra en Madrid do 10 ao 13 de marzo, os seus productos de alta calidade. Enma Pinal, chef do Gastrobar O Birrán, elaborará e servirá nas degustacións no stand da Xunta de Galicia deliciosos pratos preparados con produtos procedentes da pesca artesanal e certificados coa marca pescadeRías, como son o berberecho, o choco e o abadexo.

Publicado o luns, Marzo 10, 2014 - 10:28
Fórum Gastronómico de A Coruña 2014

Do 23 ao 25 do pasado mes de febreiro celebrouse o Fórum gastronómico da Coruña. Na sala de catas do posto da Consellería do Medio Rural e do Mar celebráronse algunhas degustacións de produtos pescadeRías, así como a presentación de Benboa: "Benboa, a cociña do cabo na casa". Deuse a coñecer, por primeira vez en público, a nova campaña publicitaria de pescadeRías, que será visible en diferentes medios a partir do próximo mes de abril.

Publicado o xoves, Xaneiro 30, 2014 - 00:41
Medio Rural

Santiago, 23 de xaneiro de 2014.- A Consellería de Medio Rural e do Mar destina máis de 2,6 millóns de euros á mellora da produtividade dos bancos marisqueiros con perda de produción. Esta liña de axudas destínase a proxectos colectivos de acondicionamento mariño e rexeneración, co fin de contribuír de forma sustentable a mellorar a xestión e conservación dos recursos mariños vivos. A Xunta publica hoxe no Diario Oficial de Galicia as bases reguladoras destas axudas e a convocatoria para 2014. A contía das axudas será cofinanciada polo Fondo Europeo da Pesca nun 75 %.

Publicado o xoves, Xaneiro 30, 2014 - 00:37
Éxito da vieira pescadeRías na campaña de Nadal

A empresa Porto de Cambados, da que é partícipe a Confraría de pescadores da mesma localidade, comercializa a única vieira certificada pescadeRías. Este produto, que non leva ningún tipo de conservante, é eviscerado nas instalacións de Mariscos Veiro, unha das dúas autorizadas para iso, e que conta coa certificación pescadeRías.

Páxinas