Vostede está aquí

Novas relacionadas con PescadeRías

Publicado o venres, Xuño 29, 2018 - 09:19
Remata a veda do polbo e a nécora

A partires da vindeira semana poderemos atopar de novo polbo galego fresco no mercado. Dende as 5:00 horas do luns 2 de xullo, este cefalópodo poderá ser capturado outra vez en augas de toda a costa de Galicia, tras o remate da veda establecida, que comezou o pasado 18 de maio.

Por outra banda, tamén as nécoras regresarán ás nosas mesas a partires do 1 de xullo, tras estar en veda dende o 5 de xaneiro.

Publicado o venres, Xuño 22, 2018 - 11:58
Veda da Centola e do Boi

Dende as 00:00 horas do 23 de xuño non se poderán capturar centolas nin bois entre a desembocadura do Miño e Estaca de Bares. A veda para esta zona rematará o día 11 de novembro. Entre Estaca de Bares e a desembocadura do Eo permanecerá aberto ata o vindeiro 30 de xuño. A veda neste caso durará ata o 2 de decembro. Podes ver máis información neste artigo de Faro de Vigo.

Publicado o venres, Xuño 15, 2018 - 13:16
III Festa do Longueirón Vello de Redondela

Os días 16 e 17 de xuño terá lugar a III edición da Festa do Longueirón Vello no Peirao de Cesantes (Redondela), organizada pola Confraría de Pescadores. A lonxa de Redondela está certificada polo selo pescadeRías, ¿de onde se non?. Colabora Mariscos Inés, entidade tamén certificada pola marca.Preme aquí para ver o cartel.

Publicado o luns, Xuño 4, 2018 - 12:26
Boletín de noticias de xuño

Consulta as últimas novidades no noso boletín de xuño. Entre o 7 e o 10 estaremos en Silleda no Salón da Alimentación do Atlántico SALIMAT-ABANCA, consulta o programa de catas. Podes ver un vídeo do noso paso polo Salón de Gourmets de Madrid. Todo isto e moito máis premendo aquí

Páxinas