Vostede está aquí

Novas relacionadas con PescadeRías

Publicado o xoves, Xaneiro 25, 2018 - 14:24
A depuradora da Agrupación de Mariscadoras Río Anllóns renova a súa certificación

Esta semana, a Agrupación de Mariscadoras Río Anllóns pasou con éxito a auditoría de recertificación da súa depuradora para o selo pescadeRías, ¿de onde se non?. A agrupación extrae berberechos dos seus bancos marisqueiros situados nunha zona de alto valor natural que, unha vez depurados nas súas instalacións, vende directamente ao público. 

Publicado o mércores, Xaneiro 17, 2018 - 13:51
Apertura da campaña da vieira

Hoxe comezou a campaña da vieira. Os primeiros foron barcos de Rianxo e Cambados que descargaron na lonxa de Cambados.

Cando o INTECMAR autoriza a extracción de vieira en determinadas zonas de produción, despois das mostraxes e analíticas correspondentes, esta vieira, unha vez descargada nas lonxas autorizadas en presenza das autoridades sanitarias, é precintada e trasladada a un centro de evisceración autorizado, no que se depurará e a continuación se lle retirará o hepatopáncreas e branquias, quedando a parte comestible, músculo e gónada.

Publicado o luns, Xaneiro 8, 2018 - 14:17
Despedímonos das nécoras

A véspera de reis foi o derradeiro día no que se puideron realizar capturas de nécoras. Non regresarán ao mercado ata o vindeiro 1 de xullo, a partires desta data poderán ser extraídas ata finalizar o ano. Tamén pechouse a captura de santiaguiños, neste caso ata o 1 de outubro. Por outra banda, a partires do 1 de xaneiro pódese capturar lagosta ata o 30 de setembro.

Publicado o venres, Xaneiro 5, 2018 - 10:32
Boletín de noticias de Xaneiro

Comezamos o ano cun novo boletín de noticias onde podedes ver o plan de explotación marisqueira e os plans de xestión de recursos específicos para o 2018, aperturas e peches de capturas dos crustáceos, comezo da tempada da lamprea e moito máis.

Para ver o boletín preme aquí.

Páxinas