Navallas gratinadas con xamón e queixo San Simón da Costa

FacebookTwitter
Navallas gratinadas con xamón e queixo San Simón da Costa
INGREDIENTES
  • ½ kg de navallas frescas pescadeRías, ¿de onde se non?
  • Xamón serrano cortado en anacos pequenos
  • Queixo San Simón da Costa
  • Pementa
  • Aceite de oliva
  • Follas de menta.

Rocío Garrido Caramés, editora do gastroblog La Cocina de mi Abuelo, comparte con nós esta receita sinxela e rápida cun dos nosos mariscos máis emblemáticos. Unha saborosa preparación que podemos servir como entrante.

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                 

Preparación:

Prendemos o gratinador do forno.

Con coidado imos abrindo as navallas cun coitelo e as poñemos nunha bandexa de forno. Cando as teñamos abertas engadimos por encima delas un pouco de xamón serrano cortado en anacos pequenos, moemos un pouco de pementa e relamos un pouco do queixo San Simón Dacosta. Por último, aliñamos cunhas gotas de aceite de oliva.

Metemos a bandexa no forno na parte media uns 10 minutos, así a medida que gratine as navallas tamén se asaran.

Sacamos do forno, picamos unhas follas de menta por riba e servimos quente.